Prof. D. Engesma - The Passion - Afrikaans

Waarom mag 'n Gereformeerde Christen nie die film: "The Passion of the Christ" kyk nie?

Wat behoort sy of haar getuienis te wees teenoor die wat dit wel kyk

Galasiërs 3:1 " o, ONVERSTANDIGE Galasiërs, wie het julle betower om die waarheid nie gehoorsaam te wees nie, julle voor wie se oë Jesus Christus afgeskilder is as onder julle gekruisig?"

Galasiërs 3:13 "Christus het ons losgekoop van die vloek van die wet deur vir ons 'n vloek te word * want daar is geskrywe: Vervloek is elkeen wat aan 'n hout hang."

Galasiërs 6:14 "Maar wat my betref mag ek nooit roem nie, behalwe in die kruis van ons Here Jesus Christus, deur wie die wêreld vir my gekruisig is en ek vir die wêreld."

Vandag stel Hollywood * gedugte vyand van die Christelike geloof en vernietiger van 'n menigte siele * 'n nuwe film vry: The Passion of the Christ. Let op die datum 25 Februarie. (Ash Wednesday=Roomse Heilige dag)

Aangesien die onderwerp van die film die lyding en sterwe van Jesus Christus is, het menige Christen leiers, kerke en belydende Christene die film lof toegeswaai. Hulle woon dit in groot massas by. Die film word lof toegesing as 'n godsdienstige-geestelike ervaring.

Ek waarsku teen bywoning

Wie ookal die film bywoon, sondig. Dit is 'n gruwelike sonde teenoor ons geliefde Here en Koning Jesus Christus en Sy glorieryke kruis. Dit sal amper net so gruwelik wees om 'n vuil X-gegradeerde film te kyk. Ek sal aantoon waarom dit so 'n gruwel sonde is. Die rede waarom u dit nie kyk nie, sal ook 'n getuienis wees teenoor ander om dit nie te doen nie. Dit is Godslasterlik!

Om die film te kyk sal jou medeskuldig maak aan die Godslastering van die film. Godslastering is 'n verwerplike belediging en 'n vermetelde aanval op die Heilige God en ons glorieryke Here Jesus Christus deur woord en daad. 'n Sondaar, verfoeilike *'n Hollywood-akteur! * mens, waag dit om die sondelose, glorieryke Jesus Christus te verpersoonlik! 'n Korrupte mens speel die "man van smarte." Godslasterlik!
Buitendien, Christus het opgestaan uit die dood en is die geestelike Here van glorie wat in die hemel aan die regterhand van God sit. Dit is boos om selfs te poog om Christus "na die vlees" voor te hou, dit is, in 'n aardse gedaante. In II Korinthiërs 5:16 sê die Bybel dat ware Christene Christus nie ken of probeer ken "na die vlees" nie.

Verder, alhoewel Jesus 'n ware mens was, is Hy ook God en die goddelike natuur was nooit geskei van sy mensheid nie. Jesus se Godheid is nie geskei van sy mensheid nie, selfs aan die kruis ja, veral aan die kruis, is Sy Godheid en mensheid nie geskei nie. Slegs omdat die een wat gelei het aan die kruis die ewige Seun van God is, het Sy lyding die verdienstelikheid en waarde gedra om ons te verlos van die sonde.

'n Bose mens * 'n Hollywood akteur! * speel God. Godslasterlik!

Die akteur, die vervaardiger en die film self verbreek die eerste en tweede gebod. Van 'n mens sê hulle: "hierdie is God" Dit verbreek die eerste gebod wat dit verbode maak om enige God behalwe die Drie-Enige, een ware, lewende God in die hemele te aanbid. Van God sê hulle: "Hy het die voorkoms van 'n Hollywood akteur wat Hom speel." Dit is in stryd met die tweede gebod wat die maak van enige afbeeldings van God verbied.

Wie ookal hierdie film kyk, keur hierdie Godslastering goed, betaal daarvoor en neem daaraan deel. In Efésiërs 5:11 beveel die Bybel ons: "en hou nie gemeenskap met die onvrugbare werke van die duisternis nie, maar bestraf dit liewer." The Passion of the Christ is 'n daad van die duisternis. Dit lewer geen vrug vir God of die gemeente nie. Ons verwerp dit. Die film is Godslasterlik omdat dit waag om dit wat Jesus Christus eenmalig vir ons gedoen het, gelei en gesterf het voor, te dramatiseer. Die verskriklike kruisiging van Jesus Christus.

God se grootste daad in die geskiedenis: om Sy genade en regverdigheid te openbaar, om Sy uitverkore kerk te verlos, om die bose wêreld (insluitend die verfoeilike Hollywood) te oordeel, die kruis, alles is perfek beplan deur God. Ons het die duidelike openbaring daarvan in die Bybel. Vir enigeen om dit te probeer naboots is om daardie wonderdaad van God in die geskiedenis te besoedel. Dit is soos 'n doodgewone huisverwer wat dink hy met sy verfkwas kan verbeter op Rembrandt se Nagwag.
Die feit is, die lyding van Jesus Christus mag nie en moet nie herhaal word nie. Sy lyding was uniek: die dra van die toorn van God as plaasvervanger vir Sy gemeente. Die geestelike lyding kan nie gedramatiseer word nie. Meer nog, Sy lyding is voltooi met Sy sterwe. Dit mag nie herhaal word nie. Die Bybel sê: "so sal Christus ook, nadat Hy eenmaal geoffer is om die sondes van baie weg te neem, vir die tweede maal sonder sonde verskyn aan die wat Hom verwag tot saligheid." Hebreërs 9:28. Die film kruisig Jesus Christus weer.

Beelde aanbidding

Tweedens, om die film te kyk is ongehoorsaamheid aan die wil van God. Dat ons moet leer van Jesus Christus en Sy lyding slegs deur die Woord van God. Die Bybel en die suiwer prediking van die Woord.
Die film is nie slegs/hoofsaaklik vir vermaak nie. Dit het ten doel om/is godsdienstige opvoeding en evangelisasie. Dit het 'n evangeliserende effek op die wat dit sien. Dit leer die mense aangaande die "Jesus" wat hulle op die skerm sien. Dit bekeer selfs mense tot daardie "Jesus". Prostestantse en Rooms Katolieke leiers moedig hul volgelinge aan om die film te kyk vir hul geestelike verryking.

Maar, die enigste wyse waardeur dit God behaag om ware kennis van Christus en Sy kruis te gee, is deur die prediking van Sy Woord. Galasiërs 3:1 wat ek saam met u lees: "julle voor wie se oë Jesus Christus afgeskilder is as onder julle gekruisig?" Ons Gereformeerde belydenis, die Heidelbergse Kategismus leer: Antwoord 96: "Dat ons van God nooit enige afbeelding mag maak nie en Hom op geen manier mag vereer as wat Hy in sy Woord beveel het nie." Dit is die wil van God (Jes.40:18,19,25; Deut.4:15,16; Rom.1:23; Hand.17:29; 1Sam.15:23; Deut.12:30; Matt.15:9). Sy mense sal die evangelie leer slegs deur die Woord van God. Dit is 'n belangrike element van die tweede gebod.

Om die film te kyk met die doel om die lyding van Christus (beter) te begryp, is sonde teen die tweede gebod. Die enigste ander motief om die film te kyk is vir vermaak. Kom ons vermaak mekaar op 'n Woensdagaand met die lyding van Christus. (absurd-APB)

Ongeag die motief van die wat dit kyk, die film gaan hulle godsdiens leer. Maar die ware lyding van Christus was nie fisies nie. Dit was Christus se lyding onder die toorn van God wat geen film kan weergee nie. Dit is wat ons leer in Galasiërs 3:13 wat ek aan u voorlees: "vervloek is elkeen wat aan 'n hout hang." Omdat die ware lyding van Christus die geestelike lyding van die hel was, beklemtoon die Bybel nie die fisiese lyding van Christus nie, dit word nie in bloederige detail weergegee nie. Dit noem dit, maar dit laat ons nie toe om daarop te fokus nie.

Rooms-Katolieke dwaalleer

Derdens, diegene wat dit wel kyk stel hulself bloot aan (kwaadwilliglik noudat u verstaan waaroor die film gaan) Rooms-Katolieke lering omtrent Christus, die kruis en saligheid. Die film is Roomse propaganda. Dit sal aan die publiek vrygestel word vandag 25 Februarie, hoekom? Omdat dit Ash Wednesday, 'n Rooms-Katolieke heilige dag is. Die Rooms-Katolieke Vervaardiger, Mr. Gibson, het die film beskryf as 'n "Mariaanse film". Die film vertoon Maria, die moeder van Jesus net soveel as Jesus. Maria is prominent op die voorgrond elke tree na die kruis soos die kruis self. Sy is teenwoordig in die film as 'n mede- bemiddelaarster en die mede-verlosster saam met Jesus. Ons het slegs vir Jesus as

Verlosser deur middel van Maria.

Minder subtiel word die Roomse perwersie van die Nagmaal- die Roomse Mis * gepromoveer. Deur die naasmekaarstelling van beelde leer die film dat die wyn en die kelk van die Mis die letterlike bloed is wat vloei op Golgota. Deur 'n toneel waarin, nadat sy die bebloede Jesus gesoen het, Maria na die kamera draai met die bloed op haar lippe, toon die film dat ons letterlik die bloed moet en kan drink met ons fisiese monde. Die basiese idee dat mense gered kan word deur te konsentreer op Jesus se lyding en bloed sodat hulle emosioneel aangetrokke kan voel tot Jesus is 'n Rooms-Katolieke begrip. Waar in hierdie emosionele aangetrokkenheid tot 'n bloederige Jesus is kennis van die geregtigheid van God? Waar is bekering? Waar is geloof?

Die Rooms-Katolieke leer van Maria, Jesus, die kruis en ons saligheid is 'n valse leer. Die Roomse leer aangaande Maria is 'n ontkenning van Christus as die enigste middelaar en verlosser. Die Roomse leer van die Mis is 'n ontkenning van die een offer van Christus en is vervloekte afgodery. Hierdie is nie my oordeel nie. Dit is u oordeel en elke ander Gereformeerde Christen omdat dit die oordeel is van die Heidelbergse Kategismus. In Vraag en antwoord 80 bely ons: "Watter onderskeid is daar tussen die nagmaal van die Here en die Roomse mis? Antwoord. Die nagmaal van die Here betuig aan ons dat ons volkome vergewing van al ons sondes het deur die enige offerande van Jesus Christus wat Hy self eenmaal aan die kruis volbring het (a), en dat ons deur die Heilige Gees Christus ingelyf word (b) wat nou na sy menslike natuur nie op die aarde is nie maar in die hemel aan die regterhand van God sy Vader (c), en daar deur ons aanbid wil wees (d). Maar die mis leer dat die lewende en die dode nie deur die lyde van Christus vergewing van sondes het nie tensy Christus nog daagliks vir hulle deur die mispriesters geoffer word en dat Christus liggaamlik onder die gestalte van die brood en wyn is en daarom ook daarin aanbid moet word; en so is die mis in die grond niks anders nie as 'n verloëning van die enige offerande en die lyde van Jesus Christus en 'n vervloekte afgodery (e). (teksverse volg - sien HK)

Die Roomse leer van die kruis, dit is, die lyding van Christus, is 'n ontkenning van die eens-vir-altyd offer van Christus. Rome se Christus hou nooit op om te lei nie. Dit is duidelik volgens een van Rome se gunsteling beelde, die krusefiks: 'n Kruis waaraan Christus steeds hang. Rome kruisig Christus opnuut elke keer as hulle die mis vier. Die Rooms-Katolieke Vervaardiger kruisig Christus opnuut vir die redding van sondaars in die film. Die boodskap van die film is dat Christus steeds ly en sterf elke keer as die film vertoon word.

U sal nie aanbid in 'n Roomse mis nie (u behoort nie-APB) U sal nie lering aanvaar van 'n Roomse Priester nie. Waarom sal u uself blootstel aan Rooms-Katolieke dwaling in 'n film, wat 'n baie effektiewe vorm van opleiding is?

Leer van die kruis by die erediens

Jongmense van die Verbond van God, om te leer van Christus en Sy kruis gaan na die Bybel en die erediens. Daar en slegs daar, leer Christus die waarheid omtrent Homself en Sy leiding. Hy leer op so 'n wyse dat jy kan glo en gered word. Die film dreig om die ware kennis wat jy het van Christus en die kruis te vernietig * moontlik vir ewig.

Vanoggend het 'n Prostestantse leier gesê dat "as jy hierdie film gesien het, jy nooit weer die Bybel sal kan lees sonder die beeld van die akteur in jou gedagtes nie." Hierdie dwase man het dit beskou as 'n aanbeveling om die film te kyk. God behoed ons dat u of ek die Bybel lees of die evangelie hoor of voor God in aanbidding verkeer met siele waarop die beelde van die film afgestempel is.

Hulle wat die film kyk huil oor die lyding van Christus. Maar die kaartjie van hierdie vertoning het ewige gevolge. Ons moet nie jammer wees oor die lyding van Jesus nie. Hy het aan die huilende vroue gesê om nie oor Hom te huil nie toe Hy oppad was na die kruis. (Lukas 23:28). Moenie huil oor die lyding van Christus nie. Vervloek is die nat sneesies. Huil oor jou sondes wat Hom aan die kruis laat hang het, nie oor die kruis nie. Christus het Sy lyding verdien Hy het al Sy lyding verdien, Sy leiding was die straf van 'n regverdige God vir jou skuld en myne. Moenie huil oor die lyding van Christus nie, nee, nie een traan nie.

Die kruis van Christus het ons verlos daarom sê die Bybel in Galasiërs 6:14. "Maar wat my betref, mag ek nooit roem nie, behalwe in die kruis van onse Here Jesus Christus, deur wie die wêreld vir my gekruisig is en ek vir die wêreld."

Die film is boos maar dit is 'n kragtige meduim. Satan sal dit gebruik om jou seer te maak, om jou suiwer kennis van Jesus Christus te verwoes. Moenie die risiko loop om onder die oordeel van God te kom nie. Moenie jou inlaat in die sondigheid van die film nie. Bly weg! Skeur op jou kaartjie as jy reeds een het! Bly weg vir jou Verlosser se onthalwe wat jou lief het en Homself vir jou geoffer het. Skei jouself af van die onheilige wêreld en die dwase en valse kerke!

Getuig. Getuig deur nie die vertoning by te woon nie. Getuig deur jou weiering om die vertoning te kyk te verduidelik wanneer jy die geleentheid het. Getuig deur mense wat van Christus wil leer na die Gereformeerde erediens te nooi. Sê iets soos: "Wil jy leer van Hom en Sy lyding vir ons sonde? Jy kan van Hom en Sy kruis leer in die kerk, nie in 'n Bioskoop nie!"

Hierdie is 'n vertaling van 'n toespraak van Prof. David Engelsma, Professor aan die Teologiese Skool van die Prostestantse Gereformeerde kerk in Amerika, by die Covenant Christian School te Grand Rapids, Michigan, die oggend van 25 Februarie 2004. Die toespraak is gepubliseer in die Standard Bearer, 1 April 2004. Die film is daardie aand vrygestel aan die algemene publiek in Amerika.
Vertaal deur Oudl. Alwyn Bezuidenhout (082-877-6458). Gereformeerde Kerk Stilfontein.
(Moet dit dan nie eerder "Passion of the Beast" wees nie?)

<<Terug na Artikels